Galaxy S8/S8 Plus កំពុង​តេស្ត​ម៉ាស៊ីន​នៅ​ចិន ត្រៀម​​សម្ញែង​ពិភពលោក​ខែ​ក្រោយ

Samsung កំពុង​សម្ងំ​តេស្ត​ម៉ាស៊ីន​ស្មាតហ្វូន​ត្រកូល Galaxy S ស៊េរី​ថ្មី​របស់​ខ្លួន​នៅ​ប្រទេស​ចិន ដើម្បី​ត្រៀម​ប្រកាស​នៅ​ព្រឹត្តិការណ៍ MWC ខែ​ក្រោយ។

Galaxy S ស៊េរី​ថ្មី​ទាំង​ពីរ​ម៉ូដែល លេចឮ​ថា​នឹង​ជា​ម៉ូដែល S8 និង S8 Plus មាន​រាង​កោង។ GS 8 ទាំង​ពីរ​សម្រាប់​ចរាចរ​នៅ​ចិន ដើរ​ដោយ Software Version G9500ZCU0APLF និង G9550ZCU0APLF ឯ GS 8 កំណែប្រែ​អន្តរជាតិ​ដើរ​ដោយ G950FXXU0APLH និង G955FXXU0APLH។

ក្រៅ​ពី​នេះ ក៏​មាន​ចចាមអារ៉ាម​ថា GS 8 ស៊េរី​ក្រោយ​នេះ មាន​ទាំង​ប៊ិក S Pen មក​ជាមួយ ដែល​មាន​មុខងារ​ពិសេស​មិន​ចាញ់ ត្រកូល Note ឡើយ។

GS ថ្មី​ទាំង​ពីរ រំពឹង​ថា​នឹង​បង្ហាញ​រាង​ខែ​ក្រោយ នៅ​សមាជ​ទូរសព្ទ​ពិភព​លោក (MWC) ជា​ព្រឹត្តិការណ៍​ធំ​ប្រចាំ​ឆ្នាំ ដែល​មាន​ក្រុមហ៊ុន​បច្ចេកវិទ្យា​ជា​ច្រើន​ចូលរួម​បង្ហាញ​ផលិតផល​ប្លែកៗ​និង​ទំនើប៕

ប្រភព៖ GSMarena